هيثم رستم
عدد المساهمات : 365
تاريخ التسجيل : 09/05/2010
العمر : 37
 | موضوع: احمد ومني .........  الإثنين أكتوبر 11, 2010 2:29 pm | |
| مني : (برومانسيه) شايف النجوم ياحمد
احمد: نجوم ايه بس فى غز الظهر دا انا الشمس حرقت افايا
مني: الله ياحمد بص السحابه اللى هناك دى اللى عليها العصافير
احمد: لا والله ياحبيبتى انا مش شايفها بس شايف دخان عربيات خنقنى
مني: يوووووووه ياحمد خليك رومانسى شويه
احمد: رومانسى ايه بس وانتى مخرجانى فى عز الضهر كده انا الشمس كلت وشى وقالت انا شبعت
مني : انت مش بتحبنى والا ايه
احمد: ياستى بحبك
مني: لاء انت كداب انت مش بتحبنى
احمد: يعنى اولع فى نفسى بجاز عشان
تصدقى انى بحبك
مني : (والدموع على خدها) لا ياحمد انت اتغيرت خالص
احمد: ياحبيبتى والله بحبك
مني : لاء ياحمد متصلحش اللى انت عملته
احمد: وهو انا كنت عملت ايه بس
مني : (تعيط) اهئ اهئ اهئ
احمد: بتعيطى ليه دلوقت
مني: احمد طلقنى ياحمد
احمد: هوا احنا لسه اتجوزنا عشان اطلئك
مني : يعنى كمان مش عايز تطلقنى
احمد يشد فشعره) يادى الليله السودا انا ايه اللى خرجنى بس
مني : كمان خليتها ليله سودا .. يعنى انا اللى خرجتك غصب عنك
احمد: ياستى مش قصدى. بصى انا مش هرد عليكى عشان مانتخانئش
مني : للدرجادى قرفان منى
احمد: (وشه يحمر من الغيظ) يعنى انتى عايزه تتخانئى وخلاص
مني : يعنى انا نكاديه ياحمد
احمد: لاء ......انا
مني: انت بتاخدنى على اد عقلى
احمد: حقك عليا وادى راسك ابوسها
مني: ياسلام كده بكل بساطه
فجأه يقف احمد على سور الكوبرى ويرمى نفسه فى الميه
مني : تفتكر ياحمد انى كده هسامحك
| |
|
