مدرسة ال ايوب الابتدائية بالعريش
مرحباً زائرنا العزيز ان لم تكن تساهم فلما لا تشارك و لو برد
سجل وشارك
مدير المنتدي Ay- Go

مدرسة ال ايوب الابتدائية بالعريش

ثقافي - تعليمي - ترفيهي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 أزاي تعرف أنك في بيت مصري

اذهب الى الأسفل 
كاتب الموضوعرسالة
ايمن جودة

avatar

عدد المساهمات : 437
تاريخ التسجيل : 08/05/2010
العمر : 37

مُساهمةموضوع: أزاي تعرف أنك في بيت مصري    الأحد ديسمبر 19, 2010 2:29 pm



أشهر 57 جملة ممكن تسمعهم فى كل بيت مصرى
باختصار ( أزاي تعرف أنك اتربيت في بيت مصري)

علي مدي سنوات الطفولة والمراهقة
يقطع الابن منزل أسرته رايح جاي
وهو يستمع للنصائح والتوجيهات نفسها والتوبيخ نفسه بأساليب وجمل ثابتة لا تتغير ..

حتي أصبحنا بمرور الوقت نحفظها جيداً ونتوقعها
( واهالينا يقولوا وأحنا نكمل لهم )
واسترجاع هذه المقولات " التي لا تسمعها إلا في البيت المصري "
يبعث في الوجدان قشعريرة مصحوبة بنوع من الكوميديا .
ويعمق محبة أهالينا في القلوب .
ويجعلنا نكتشف كم الهستيريا والقلق والمسئولية التي تكبدها الأهالي
في سبيل أن تقف فخوراً برأي الناس فيك

" شكله بن ناس .. ومتربي "



نبدأ في الجمل :-

1- مش عايز أسمع صوت .
وفي هذه الجملة تدريباً مبكراً علي تقبل الديكتاتورية الذي سوف تواجها طول حياتك .

2- ما تردش عليا .
ودي نصيحة إذا ألتزمت بها سوف تكسب مديرك في العمل .

3- تعد في أول صف أدام السبورة.

4- لو مش فاهم حاجة ..
ارفع أيدك وقول للاستاذ مش فاهم ما تتكسفش ..
فاكرين المدرسين زي اللي كانوا علي أيامهم .

5- اللي بيشيل قربة مخرومة بتخر عليه لوحده.

6- ومالها الكتب بتاعة الوزارة ؟ !

7- بص كويس وأنت بتعدي الشارع .

8- متتأخرش بعد المدرسة وتقعد تصيع مع أصحابك ..
وهي نصيحة سوف تحقق لك قدراً من السعادة الزوجية فيما بعد
إذا تعودت علي أن تكون رجلا من الشغل للبيت

9- أفرد ضهرك .

10- مافيش مذاكرة علي المزيكا .. أو.. بتذاكر أزاي والبتاع دا شغال جنبك .

11- ماتمشيش حافي في السقعة دي .

12- صليت العصر ؟!

13- ربنا يهديك يابني .. وأحيانا أنك لا تهدي من أحببت .

14- أطفي التلفزيون دا وقوم ذاكرلك حاجة تنفعك دا الامتحان قرب
حتي لو كنا في أول المدارس .. أو .. أطفي التلفزيون وقوم خش أوضتك .

15-أوعي تقول لحد هاتلي حاجة .

16- أقفل صدرك

17-بلاش وقفت الشبابيك والبلاكونات.

18-كل علي مهلك .. وامضغ كويس .. ومتكولش وأنت واقف .. وكا من قدامك متحفش

19-كفاية رغي في التليفون .

20-ما تعدتش قدام المروحة وانت لسا مستحمي .

21-المسلسل مش هينفعك ... قوم ذاكر .

23- وأنت فاكر أحن مستنين منك حاجة ؟!

24-متعليش صوتك عليا .

25-بلاش لعب في الشارع .

26-يابني ألي ذاكر ذاكر خلاص .. قوم نام

27- بلاش لعب بالمقص .... بيجيب الفقر .

28-يابني كلم خالتك العيانة أسأل عليها .

29-أوعي حد غريب يديك حاجة من برا تكولها أو تشربها وتخدها

30-النوم لحد الظهر يجيب الفقر ..

31- أوعي تكدب عليا تاني مرة .

32- لازم تاكل سلطة ..

33- لو شفت خناقة ملكش دعوة بيها .

34-عيب.. لازم تحترم ألي أكبر منك .

35- كلمنا لما توصل .

36- ملكش دعوة بسياسة .

37-بلاش أكل برا ..

38-لو فلحت أبقي تعالي زورني علي قبري " .. ( إيه الخيال دا )

39-ما تلبس القميص علي اللحم زي العيال الصايعة .

40-يا بني أنت مسطول ولا أيه .

41- أنت فاكرنا نايمين علي ودانا ؟!

42-وطي الزفت دا شوية .

43- قوم أقرأ لك كلمتين ينفعوك .

44- أيه اللامبالاه والاستهتار اللي أنت عايش فيهم دول .

45-أنت فاكر احنا لاقيين الفلوس دي في الشارع .

46- والله منتا فالح .. وأدي دقني أيه .

47- ما تتكلمش بصوت عالي في الحمام .

48- ما تنامش ألا أما تغسل سنانك .

49-ما تلزقش في التلفزيون كده .. نظرك هيضعف .

50- ضرب أمثلة تشجع علي الكفاح وأشهرها
" أحد الأقارب اللي ذاكر علي لمبة الجاز أو عي نور العمود في الشارع وخد الدكتوراه وسافر أمريكا )

51-سلم علي عمك كويس يا ولد .

52-يا بني محدش بينفع حد .

53- ماتطلعش أيديك من شباك العربية .

54- قصة الغريق الكاذب ألي كل مرة يقول ألحقوني لغاية مغرق بجد .

55-ربنا يرزقك بعيل يوريك اللي أنت ورتهولنا .

56- حول القناة دي بلاش مسخرة وقلة أدب.

57- طلع أيدك من جيبك وأنت بتكلمنا .


لو سمعت الكلام ده قبل كده

يبقي انت اكيد في مصر




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هيثم رستم

avatar

عدد المساهمات : 365
تاريخ التسجيل : 09/05/2010
العمر : 30

مُساهمةموضوع: رد: أزاي تعرف أنك في بيت مصري    الأحد ديسمبر 19, 2010 3:37 pm

هههههههه جامدين جدا خد الشويه دول من عندي


جتها نيلة الى عايزة خلف تيجى تتفرج

امشى جاتك مشش فى ركبك

ذاكر ياموكوس مش فالح غير فى الهيافه والكلام الفاضى

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه

كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة

هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج)

أوعا حد يضحك عليك ويقولك جرب السيجارة دي

ابقى ورينى مين حينفعك فى الاخر من شوية الصيع الى انت مشيلى وراهم

ياريتك تحفظ دروسك زى مانت حافظ الاغانى

كريم دا عيل بايظ وماتمشيش معاه تاني "معلش يا كريم"

قومي ساعدي امك ده اللي هيتجوزك أمه داعية عليه

يا ابني حرام عليك الى بتعمله فينا ده

لم هدومك انت مش عايش فى زريبة بكرة اشوف بيتك هيبقى ازاى خرابة طبعا

وانت فاكر احنا مستنيين منك حاجه

لم شراباتك

ماتكلش فى ضوفرك

كنت فين لحد دلوقتى يا صايع

انا مش عارف انته طالع لمين

مووو لمـا يــــــخدك

ادلعى ياهبة فى ايامك المهببة

ده منظر اودة بني آدم ، انت عايش فيها ازاي؟

الى يطلع من الاوضه يطفى النور وراه

أبوك عندك أهو اتصرف معاه

البس فنله قطن تحت ودفي سدرك ودخل التيشرت في بنطلون البيجامه وانته نايم

يأبنى المذاكره مابتخلصش .... نفسى اشوفك مره ماسك كتاب

قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت

مالكش دعوة بالسياسة .. وماتمشيش في مظاهرات .و امشي جنب الحيط ... اقولك شق الحيطة وامشي جواها

احمد ربنا الاكل الى مش عجبك ده فى ناس مش لقينه

هأقطم رقبتك أو هأقطع ايدك أو هأقطع لك لسانك أو هأدبحك دبح

قومي سخني الأكل لأخوكي

ابوكم كان دايم بيطلع الاول على الفصل... (لما كلهم كده امال مين الى بيطلع الاخير)

انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في ال
حوض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bob Bebo



عدد المساهمات : 156
تاريخ التسجيل : 30/05/2010
الموقع : bobbebocamera@yahoo.com

مُساهمةموضوع: رد: أزاي تعرف أنك في بيت مصري    الأحد ديسمبر 19, 2010 11:07 pm




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bobbebocamera@yahoo.com
 
أزاي تعرف أنك في بيت مصري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة ال ايوب الابتدائية بالعريش :: المنتدي الترفيهي :: ساعة لقلبك-
انتقل الى: