مدرسة ال ايوب الابتدائية بالعريش
مرحباً زائرنا العزيز ان لم تكن تساهم فلما لا تشارك و لو برد
سجل وشارك
مدير المنتدي Ay- Go

مدرسة ال ايوب الابتدائية بالعريش

ثقافي - تعليمي - ترفيهي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 النكتة السياسية في مصر بعد ثورة 25 يناير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هيثم رستم

avatar

عدد المساهمات : 365
تاريخ التسجيل : 09/05/2010
العمر : 30

مُساهمةموضوع: النكتة السياسية في مصر بعد ثورة 25 يناير   الإثنين فبراير 14, 2011 1:42 pm

مع تفجر ثورة الغضب في مصر بعد الخامس والعشرين من يناير الماضي، تفجرت ثورة أخرى مرافقة لها ومحورها "النكتة السياسية"، وأضفت على الثورة الشعبية نكهة خاصة تنبع من رحم المعاناة، وزاد من بريقها الشعارات التي رفعها المتظاهرون والمعتصمون في ميدان التحرير.

ولعل أحدث ما في ترسانة المصريين من نكات حول الوضع الراهن، جاء في غالبيته في صفحة واحدة على موقع فيسبوك، حملت عنوان "خفة دم الشعب المصري في المظاهرات".

وإليكم بعض هذه النكات:

- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!

- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.

- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

- "بلطجي" لقناة العربية: العيال بيرموا علينا قنابل "بلوتوث".

- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.

- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.

- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.




أما من الشعارات التي حملها المتظاهرون المعتصمون في ميدان التحرير، فلعل من بين أبرزها:

- رابطة نجاري مصر يسألون الأسطى مبارك: "ما نوع الغراء الذي تستخدمه؟"

- ارحل.. الولية عاوزة تولد والولد مش عايز يشوفك

- ارحل عاوز أتجوز

- ارحل مراتي وحشتني.. متزوج من 20 يوم

- ده لو كان عفريت كان طلع

- لو ما استحمتش النهاردة في بيتنا.. هاستحمى يوم الجمعة في قصر الرياسة












وطبعا الفرح الاسطوري اللي دخل التاريخ المصري واللي حضره في ميدان الثوره (التحرير سابقا) اكثر من 2مليون ثوري مصري وصوره البوستر الخاصه بالفرح كانت دبابه من دبابات الجيش المصري


وتعقيباً على الاتهامات بوجود أجندة لدى المعتصمين في ميدان التحرير، ومندسين من الخارج بينهم، سخر البعض بما وصفوه بـ"نشيد الأجندة"، الذي يقول:

أنا مندس.. أنا مندس، هاتلي أجندة ووجبة وبس
من هارديز أو من كنتاكي، هاتلي وجبة دينر بوكس
أو سوبر زنجر من غير خس
هاتلي أجندة من الفجالة أعمل بيها ثورة في مصر
أنا مندس.. أنا مندس، وكل الشعب كمان مندس
كل الناس هنا مش عايزينك، وانت يا حسني مش بتحس
كل فضايحك، كل جرايمك، كلو موجود على ويكيليكس
أنا مندس.. انا مندس، عندي أجندة مستر إكس


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هيثم رستم

avatar

عدد المساهمات : 365
تاريخ التسجيل : 09/05/2010
العمر : 30

مُساهمةموضوع: رد: النكتة السياسية في مصر بعد ثورة 25 يناير   الإثنين فبراير 14, 2011 1:44 pm

ANA MASRY WBS
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد المساهمات : 63
تاريخ التسجيل : 07/05/2010
العمر : 37

مُساهمةموضوع: هم يضحك و هم يبكي   الخميس فبراير 17, 2011 2:58 pm

صحيح هم يضحك و هم يبكي
مش عارف غير اني اقول ربنا يكون في عوننا من الي جاي
انا كان عندي امل في حاجات كتير بس يا رب تتنفز و لو نصفها
علي رأي اشرف عبد الباقي في فيلم رشة جريئة يا رب انجح علشان اجهز اختي و افور الحمام و اركب لة قيشاني


ههههه هههههه هههههه



[img][/img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://schoolofaalayoop.own0.com
 
النكتة السياسية في مصر بعد ثورة 25 يناير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة ال ايوب الابتدائية بالعريش :: المنتدي الترفيهي :: ساعة لقلبك-
انتقل الى: