مدرسة ال ايوب الابتدائية بالعريش
مرحباً زائرنا العزيز ان لم تكن تساهم فلما لا تشارك و لو برد
سجل وشارك
مدير المنتدي Ay- Go

مدرسة ال ايوب الابتدائية بالعريش

ثقافي - تعليمي - ترفيهي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 سرقة كابلات تليفونات خط المساعيد الزهور للمرة الثالثة على التوالى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Bob Bebo



عدد المساهمات : 156
تاريخ التسجيل : 30/05/2010
الموقع : bobbebocamera@yahoo.com

مُساهمةموضوع: سرقة كابلات تليفونات خط المساعيد الزهور للمرة الثالثة على التوالى   الثلاثاء مايو 03, 2011 3:47 pm

سرقة الكابلات الارضية لشركة الاتصالات الخاصة بالهواتف الارضية أصبح
أمر مقلق للغاية لأهالى منطقة الزهور وأسيوط ( المشتركين بسنترال المساعيد فقط )
بعد تكرار سرقة الكابلات أكثر من مرة على التوالى ( حوالى أربع مرات )
مما أدى لتعطيل الهواتف الارضية - ولكن ليست تلك المشكلة فأغلب الناس الان
يعتمدون على الموبايلات فى الاتصال

ولكن تكمن المشكلة فى تعطل الاتصال بالانترنت وتوقف خدمات بريد الزهور
الخاصة بالنت

الغريب بالأمر أنه قد تم سرقة ذات الكابل قبل الثورة بفترة ليست بالكبيرة
وتعطل النت مدة كبيرة حتى قامت الشركة بتركيب الكابل مرة أخرى تقريبا فى ( شهر )

ولكن بعد الثورة وتحديدا فى شهر مارس تقريبا ( 7 مارس ) تمت سرقة الكابل مرة أخرى
وعند الاتصال بالشركة ( الحقيقة أنها تفانت فى سرعة التركيب ) ولكن عند وضع الكابل وقبل
تشغيله مباشرة تمت سرقته قبيل العمل

وقامت الشركة بتركيب كابل جديد وبعد تركيبه وقبل البدأ فى العمل تمت سرقته مرة أخرى
وللمرة الثالثة والرابعة تمت سرقته قبل العمل به مباشرة.

شئ غريب بالفعل هذه البجاحة فى السرقة ( ما هذا ) ؟؟؟!!!!!
وكيف يقوم السارق بهذا فهذا ليس بكابل صغير ولا خفيف


فى اتصال لى بالشركة أوضحت لى موظفة بأن السارق استخدم بلدوزر فى السرقة
قطع الكابل وربط طرفه بالبلدوزر وسحبه

هذه السرقات كلفت الشركة 2 مليون جنيه حتى الأن على حسب قول مدير السنترال فى
حديث لى معه هاتفيا

ويقوم السارق بسرقة الكابلات لسرقة ما بداخله من نحاس

وفى اتصال لى بمدير السنترال هاتفيا قال أنه سيتلافى وضع كابل نحاسى المرة القادمه
وسيضع كابل ( فايبر جلاس ) لا يحتوى على النحاس وهو خط خاص بالاداء العالى
( لا تسألنى ماهو الاداء العالى فأنا لا أعرفه ) وثمنه غالى جداًًًًًً

المضحك فى الموضوع ( الذى يبكى ولا يضحك )
أن البجاحة جعلت السارق يسرق الكابل حوالى أربعة مرات متتالية
ولم يستطيع أحد ايقافه من الشرطة التى تدعى نزولها
أو حتى من المارة والسائقين لأن الكابل بجوار الشارع الرئيسى مباشرة
فى طريق اسيوط بين الزهور والمساعيد

ومكانه على الجانب الأيمن من الطريق اذا كنت ذاهبا الى المساعيد

ولا حتى من الشركة التى سرقت عدة مرات متتالية فى نفس المكان

اذا ما الحل ؟؟؟؟؟؟
( اضحك بقا لو عايز ؟؟؟؟؟؟ )
الحل أن ننشر فى المنطقة أن الشركة قامت بوضع كابل ليس به
نحاس فهذا سوف يصل بالطبع لأذن السارق ( البلد ما بيستخباش فيها خبر )
ولذلك نرجووووو السارق من فضلك أخونا وصديقنا السارق العزيز
لا تسرق الكابل لأنه لن يفيدك مفيهوش نحاس والله
وحياة خالتك مفيهوش نحاس فلا تسرقه من فضلك
( شفت اليأس وصلنا لفين ؟؟؟!!!!! )

ومحدش يقول أن الكابل اللى هيتركب ده غالى ابقوا قولوا انه كلف الشركة مثلا 2000 جنيه
علشان يقول انه ما يستهلش السرقة

اعمل ايه بس كل ده من اليأس .

وعلى فكرة جت ببالى قبل ما أنهى التريقة اللى فاتت دى
أن فى ناس هتسأل طب وانت كنت فين لما اتسرق
والله يا جماعة أنا كنت بمر على الطريق وبتابع على أد ما أقدر
وعرفت مكان الكابل من متابعتى الخاصة وليس من أحد افراد الشركة
لدرجة انى مرة شفت الشركة بتركب الكابل وظنيت انهم بيسرقوه
فوقفت ورجعت وتابعت لغاية ما اطمنت انه بيركبوه مش بيسرقوه
واتصلت بالشركة فى الحال علشان اطمن ان الناس دى تبعهم

هنعمل ايه يعنى اصل الواحد حاسس ان حياته فيها حاجه ناقصة من غير نت
الواحد مش بتاع ماتشات ولا تلفزيونات ولا حاجات هايفة ممكن تشغل باله
الواحد فعلا حاسس ان فيه حاجه نقصاه لان النت الواحد بيستخدمه صح
انا اتعلمت من خلاله ( بالمعنى الحرفى ) كل البرامج الموجودة فى المنتدى
من خلاله

والحمد لله والشكر لله على كل شئ
وحسبنا الله ونعم الوكيل فى كل فاسد ومفسد و ( سارق ) موجود فى البلد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bobbebocamera@yahoo.com
هيثم رستم

avatar

عدد المساهمات : 365
تاريخ التسجيل : 09/05/2010
العمر : 30

مُساهمةموضوع: رد: سرقة كابلات تليفونات خط المساعيد الزهور للمرة الثالثة على التوالى   الثلاثاء مايو 03, 2011 11:45 pm

هههههههههههههههه بصراحه هم يبكي وهم يضحك وبعدين الكابل لوتمنوا 3 جنيه برضوا هيسرقوه ولو سألت اللي سرقه سرقته ليه هيقلك معرفش بس اهي غلاسه والسلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
سرقة كابلات تليفونات خط المساعيد الزهور للمرة الثالثة على التوالى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة ال ايوب الابتدائية بالعريش :: مواضيع تهمك :: أخبار سيناوية تهمك-
انتقل الى: