مدرسة ال ايوب الابتدائية بالعريش
مرحباً زائرنا العزيز ان لم تكن تساهم فلما لا تشارك و لو برد
سجل وشارك
مدير المنتدي Ay- Go

مدرسة ال ايوب الابتدائية بالعريش

ثقافي - تعليمي - ترفيهي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اعتصام طواقم التمريض بالعريش احتجاجاً على غياب الأمن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هيثم رستم

avatar

عدد المساهمات : 365
تاريخ التسجيل : 09/05/2010
العمر : 30

مُساهمةموضوع: اعتصام طواقم التمريض بالعريش احتجاجاً على غياب الأمن    الأربعاء مايو 04, 2011 11:13 pm


اعتصم العشرات من طواقم التمريض بمستشفى الشيخ زويد المركزي، الأربعاء، احتجاجاً على عدم توفير الحماية لهم من تهجم بعض المواطنين عليهم خلال عملهم بالمستشفى.. وللمطالبة بعدم العمل فترة ليلية بسبب غياب الأمن بالمستشفى وفي شوارع المدينة.

وطالب المعتصمون من الممرضين والممرضات بضرورة حضور اللواء السيد عبد الوهاب مبروك، محافظ شمال سيناء، إلى المستشفى للاطلاع بنفسه على ما آلت اليه الأوضاع بسبب الانفلات الأمني، وضرورة توفير حراسات أمنية من الجيش بشكل دائم.

وقال أحد الممرضين إنهم قاموا بفض اعتصامهم، الثلاثاء، بعد وعدهم بأنه سيتم إقرار الأمن وتأمين المستشفى بقوات من الجيش.. إلا أنها لم تصل حتى الآن.. مما دعاهم إلي العودة إلى الاعتصام من جديد لحين توفير الأمن لهمن على حد قوله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bob Bebo



عدد المساهمات : 156
تاريخ التسجيل : 30/05/2010
الموقع : bobbebocamera@yahoo.com

مُساهمةموضوع: رد: اعتصام طواقم التمريض بالعريش احتجاجاً على غياب الأمن    الجمعة مايو 06, 2011 5:24 pm

لا حول ولا قوة الا بالله
البلد لم يعد بها أمان
مش هقول بسبب الثورة لأ لأ لأ .
البلد مفيهاش أمان من قبل موضوع الثورة
والأسباب كتيرة :

- منها الأخلاق اللى ضاعت
- الفقر اللى انتشر
- التربية اللى فقدناها فى بيوتنا
- الشرطة اللى ما كانتش بتعمل أى حاجة قبل وبعد الثورة الا اهانة المواطنين
- الظلم اللى واقع على الناس والحقوق الضايعة ومفيش حد عارف يجيبها لا بالقانون ولا بغيره
- أن فى ناس كتير قوى فوق القانون
- المال اللى انتشر فى ايد البلطجية من الانفاق وتجارة السلاح والبانجو وبيع الاراضى اللى مش بتاعته
- أسباب كتيرة لا تعد ولا تحصى


ولو حد قالى أن غياب الشرطة هو اللى عمل كده فى البلد
هختلف معاه بس مش همنعه يقول رأيه ( لن أجور على رأى حد )
وليا اسبابى واللى ممكن تفهمها من موقف بسيط أعرفه شخصيا
يعنى ما حدش حكاه ليا ولا زود عليه كلمه ولا نقص منه كلمه

الموقف ان لى زميل فى المدرسة انقطع فجأة عن العمل وسألنا عليه
عرفنا انه فى المستشفى مضروب بالرصاص هو أخوه

وكل الحكاية ان فى خلاف بينه وبين ولاد أعمامه على قطعة أرض
وأن ولاد أعمامه دخلوا بدو فى المشكلة

بعد ما قعدوا مع بعض وما حلوش المشكلة جم البدو ضربوا عليهم نارعلى بيتهم
وقعدوا يتصلوا بالنجدة اللى ردت عليهم وقالتلهم انهم جايين فى الطريق
وبعد ربع ساعة اتصلوا بيهم قالولهم جايين فى الطريق

وبعد ما انضرب الراجل بالنار فى كتفه واخوه برصاصة فى رجله
جت الشرطة بعد 3 ساعات لما اطمنت ان كله قتل بعضه

وزرت زميلى بتاع المدرسة بنفسى فى المستشفى

أنا عايز أسأل مين اللى سمح بدخول السلاح بالكميات الكبيرة دى هنا
( ولا كأننا فى ليبيا )
والمصيبة أن الشرطة عارفة وساكته

تروح تشتكى أن فى واحد سرق عربيتك وتكون عارفه وعارف مكانه
وانه فى المكان الفلانى ( الجبل ) يقولولك ان احنا مالناش دعوه
حل مشاكلك بنفسك

بس يتشطروا فى أى كمين بطاقتك أقف هنا شوية
مخالفة حزام - رادار - أدفع

أى واحد مربى دقنه يبقى ده ابليس بهدلوه وارموه وما حدش يعرف عنه طريق جره


لا حول ولا قوة الا بالله
رحمتك يا الله
رحمتك يا الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bobbebocamera@yahoo.com
 
اعتصام طواقم التمريض بالعريش احتجاجاً على غياب الأمن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة ال ايوب الابتدائية بالعريش :: مواضيع تهمك :: أخبار سيناوية تهمك-
انتقل الى: