نكت جامده ومن الاخر

واحد راح مستشفى المجانين لقي كل المجانين عماليين ينطوا ويقولوا إحنا فشار!
لقى واحد قاعد على جنب
قال بس هو ده العاقل اللى فيهم
قاله انت قاعد ليه كده؟
قاله
سيبنى دلوقتى
انا لازق فى الحلة

*******************************************************************************************************************************************************
مسطول بيقول لصاحبه عايزين نطلع فنانين
انت فنان تشكيلى
وانا فنان اشكيلك

***********************************************************************************************************************************************************
قطة سكرانة ماشية تقول
الله يخرب بيت الحشيش وسنينه هيا كانت ماو ولا ناو

**********************************************************************************************************************************************************
مرة واحد واقف امام الكعبة

وبيقول يارب اغفر لى عن كل كلمة حكيتها عن الصعايدة

وانى اتوب اليك توبة صادقة

وفجأة جه واحد صعيدى سأله

هيا القبلة منين؟
قال : شوفت يارب هما اللى بينكوشونى أهو

**********************************************************************************************************************************************************

مساطيل بيكتبوا محاضرة ورا دكتور
كل مايمسح السبورة يقطعوا الصفحة
***********************************************************************************************************************************************************
واحد قاعد في أمان الله بيقرا الجرنان
وفجأة جت مراته وضربته بغطا الحلة فوق دماغه .. ‏طرررررخ
الزوج : 'فيه ايه يا بنت الحلال؟ ليه كدا؟؟؟
الزوجه : ايه الورقه اللي في جيب بدلتك ومكتوب عليها 'سوسو'؟
الزوج : يا بنت الحلال، ده ‏أسم الحصان اللى بنشجعه في السباق!
الزوجه صدقته وراحت لحالها
بعد اسبوع
الزوج قاعد في ‏أمان الله يقرا الجرنان
وفجأة جت مراته وضربته بغطا الحلة على راسه
الزوج : خير يابنت ‏الحلال في ايه تاني؟
الزوجه : حصانك على التليفون
************************************************************************************************************************************************************
مره واحده بتقول لجوزها
تصدق إن أنا كل يوم بحلم بيوم جوازنا
قالها
هى لسه الكوابيس دى ‏بتجيلك؟
***********************************************************************************************************************************************************
مرة واحد قال لصاحبه
عاوز أعمل لمراتي مفاجأة فى عيد جوازنا
صاحبه قاله : هتعمل إيه؟
قاله : هوديها الصين
قاله : يا راجل فى عيد جوازكوا العاشر توديها الصين
أومال فى عيد ‏جوازكوا الخمسة وعشرين هتعمل ايه؟
فقالوا : هروح اخدها
***********************************************************************************************************************************************************

مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ‏؟
قالت : أصله كان بيحب واحدة ومتجوزهاش
دخل العنبر الى بعده لقى واحد بيضرب نفسة ‏بالشبشب قالها وده ماله
قالتله : اصل ده الى اتجوزها‏